Grie Soß – die is doch e Gedicht !
Mer heert von allerlei Bekannte
Bestimmt aach allerlei Variante.
Wobei isch abber gleich erläuter,
mer brauch zu Grie Soß
sibbe Kräuter,
Schnittlauch, Sauerampfer,Kresse,
Petersilie net vergesse,
Borasch, Kerbel, Pimpernelle
des wärn glaab isch sibbe gelle?
Wischtisch is vor alle Dinge
des Ganze klaa gehackt zu bringe ,
gut zu mische – weil’s nur stimmt,
wenn die Mischung rischtisch kimmt.
Die Mischung war de erste clou –
es geheert noch mehr dezu !
Des Gelb von hartgekochte Eier
streischt mer dorschs Sieb
(net dorsch de Seier)
verriehrts mit Essig, Oel und Salz
e bissi Zucker ebenfalls.
Des Eiweiß hackt mer aach noch fei
un gibt es in die Schissel rei.
Jetzt Kräuter, Soß,gehacktes Ei,
verriehrtmer zu em dinne Brei.
des is e Seßche was entzickt.
Ganz Frankfort is da druff verrickt.
Schmeckt gut – tut gut!!!
Fichtegigl (Ursula)
Artikel Teilen
Artikel kommentieren