YASSU auf Reise im Untermarchtal

I han denkt, i schreib omal wieder a kloine Reisegschicht, weil i nemme so weit fortfahre ka, no ben e mit meine Freind noch Untermachtel gfahre ond do hem mer no dia Cottbusser Freinde begriaßt und send 4 Tag blieba
Am erschte Tag hemer omal des Kloster aguckt ond hen ons des Essa schmecka lassa

Am andere Tag sem mer noch Zwiefalte gfahre und hen dui Kirch aguckt, i han se jo scho a paar mol gsä und am Mittag sem mer nach Obermarchtel gloffa, i net, aber dia andere hen zu dene 3 km 90 minuta braucht
Obends sen mer no in der Kellerschenke vom Kloster ghockt ond hen feste gsunga bis spät ind Nacht nei

Am nächste Tag semmer noch Ochsenhausen ond hen eigentlich mit m Öchsle fahre welle aber des hät 2000 Euro kost, mr sen jo net Rockefellers no sem mer oefach mit 4 Pferdekutsche durchs Land gfahre ond hen 3 nette Kappele oguckt. Die oi in Stoihause war ganz oifach net so wie doi barock schönste Dorfkirche, des war a andere
No sem mer ins Wirtshaus zum Esse gloffa und hen uns of dr Schweinebrota gfreit. jetzt war der von der Farb her braun und faserig, als normaler Mensch het i des für Rind ghalte.
So isch halt – No gings mitm Bus weiter ins Kloster zu der Kirch agucke und doi schö Orgel in Ochsehause isch a große Musikschul em Kloster

No semmer weitergfahre nach Oberstadion ond hen dort die Ulmer Schule aguckt dia Altär send in dr Säkullarisationszeit ausm Ulmer Menster noch Oberstadion brocht worde und do send se heit no. Obends sem mer widder en der Kellerbar ghockt ond hen Abschied gfeiret.

So jetzt hen die Cottbusser au omal die schwäbisch barockstroß zum Teil gsä und send wieas ausgsä hot ganz zfriede wieder hoimgfahre ond au i han an haufe gsä, was i no net gsä ghet han.

Text + Bilder: yassu