A Kreitzsfahrd

Bild: free

A kloine Geschicht uf schwäbisch von meiner erschte Kreizfahrt

An Ostern 1988 send mr die Biblische Reise ond i nach München gfahre ond en dr Schlofwage nach Venedig omgstiege ond do hen mer no am andere morga des Schiff MS Istra (dui ist en r Zwischezeit verschrottet worde, ens östliche Mitteleer beschtiege

No gings los in Richtung Schwarzes Meer. Der erschte Dag hen mer no de Kapitänsempfang ghet s Essa war gout und no hen mer Lesbos agsteuert, a ganz schene Insel mit er Burgruine von de Mykener
No isch weitergange zum Kloschter Mega Spileon dort schreibt mer no des alte griechisch.

No nach Limonos ond no sen mer durch da Bosporus gfahre ond onder dere Riesebrüclk durch wo de oste und de weste verbindet.

Jetzt send mer in Jalta akomme und hen den Saal von dene 4 Gscheide aguckt wo uns domals ausandergrisse hent uns deitsche und des wunderschene Schloß und no han e mol müsse und mer waret jo in Russland und no ist die Aufsichtsfrau mit mer ins Lokushäusle neigschtande und hot mer zuguckt, weil dia Russe hent jo saumäßig Angscht ghet, worom woß i au net, nur so nebebei bemerkt

No gings weiter nach Hatuscha wo die Gegner /(Hethiter) von de Pharone ghaust hent mit drgleiche Kultur von de Gräber her war saumässig inressant

No semmer no nach dr Türkei nom nach Trabzon, die one hend des Sumali Kloster aguckt, war mr zu hoch drobe no han i mir Feige kauft, supergschmeckt neudeitsch

Ond no gings nach Troja zu dem Trojanische Gaul, do ko mer nemme nuff der isch baufällig aber drfür hots an Haufa Stoiner so alte ghet

No gings nach Assos in a interessante christliche Kirch und do han i no an schwäbische Türke troffe so zufällig

Jetzt gots nach Istanbul ins Chorakloster und älle bekannte Heiser wie die Blau Moschee dia kennet jo älle

Ond no gings nomal of 2 Insle nach Thassos a nettte kloine Insel, aber Samothrake war no kloiner aber dafür herzlicher und au wieder an haufa Stoiner
Jetzt gings no omal in Griechenland aufs Kap Suneon, wo unsere Soldate 45 stationiert waret, koi gute Erinnerung, aber landschaftlich sehr schö.
No semmer durch die Stroß von Korinth ganz eng mr hot net schnaufa kenne gfahre sonscht het des Schiff hübe und drübe agstoße, um dass wieder nach Venedig komme sent und hoemfahre hen kenne. No hemmers gschafft ghet ond koiner isch versoffe
So des wars ein kloiner Reisebericht von meiner erschte Reise miteme Schiff, war i froh dass i net versoffe be.