Mit FA a kloina Neckerschiffahrt am achte September

Eigentlich han i garnet mitwelle, aber des Wetter war so sche – no han i denkt jetzt
gosch amol.
Also an dr Abfahrt von dene Schiff waret scho a paar do, aber dr Chef vom ganze
dr hot no gfehlt. No hen mer halt unsere Fahrschei kauft und sind ofs Schiff gange
no isch er agrennt komma ond hot uns verzählt er wär scho a halbe Stund vorher
dogwese.
No gings los so 10 Minute noch drei und dr Kurt oiner von dene viele Kurts von
Lumpeburg /Ludwigsburg) hot sich nebe mi nogsetzt ond die Dame waret ganz
uffgregt.
No isch erschtemol nach Minster ond no am Stausee (Max-Eyth-See) vorbei noch

dr Aldinger Schleise gange.
No hemmer doi nei Fußgängerbrück in Neckerrems bestaunt und en Hochberg-
Poppenweiler isch r wieder umkehrt.
No ware mer so um 6 wieder in Cannstatt und no isch unser Oberhaiptling

druff
komme mer kenntet ins Standbad gange, no sen mer nogloffe, hans no nie gsä
ghet, wenn der Sand net gwä wär wärs ganz gut gwä.
No hemmer ebbes drunke und a Stond semmer dort ghockt, no hot mi au no so a Viech gstoche ond jetzt bene m Gsicht oiseitig und no semmer hoim.
Jetzt hemmer en scheene Dag hinter uns brocht und eich liabe Leser wünsch i
viel Erfolg beim Lesa.