Lachen deit gaud – Singen noch mihr

Hett dat an 15.04.2015 heiten. Wecker Interesse vör de plattdütsche Kultur hadd, de kam in‘t Kurhaus von Warnemünn. Dit mal wieren dat Nandu, Ing0504, Blackhuskyman mit sien Fru und eventuell ok „Foto“ mit Partner. Wildess „Foto“ kein ein Foto in de Visitenkart insett hadd, wüssten wi nich woans sei utseihn deit un ob sei nu dor wier oder nich.

Klaus-Jürgen Schlettwein wier mit sienen 77 Johren ein dollen Plattsnacker und Sänger und wi sungen flietig mit em mit. Dat wier ein wunner schönen Abend wäst. Un wat hebben wie uns högt öwer sein Lüschen und Vertellers. Wi krägen ok all en Gesangsbauk, mit väle plattdütschen Läder in, taun mitsingen in de Hand drückt. Und dat allerbest, dat Gesangbauk hebben wi mit nah Hus nämen können. De Tied is vörbi gahn, dat hebben wi gor nich markt. Tau Schluss süng Schletti noch olle Schlagers un meistetendeils sangen wi ok mit. Ne wat wier dat schöön. Tau Wiehnachten will hei wedder in Rostock up de Bühn. Wenn dat passen deit, sünn wi ok dorbi. Weckein kümmt mit?

Hei is all 77 Johren old.

Dat mag man nich glöben. Dat plattdütsche Lachen und Singen möt wohl jung hollen. Dunn kummt man all tau Wiehnachten mit tau Schletti. Ik bin dorbi. Ji ok?

Bilder: Blackhuskyman