DAT KNIEN MIT IKUU

Mien Frünnen Rudi un Christin hebben elk hör Leevhebberee. Christin schrifft Vertellsels un Rudi tücht Knienen. Wenn sük dat ergifft, schrifft se wat över de Deren, wat Rudi hör vördeem vertellt hett. Of wat se sülvst mitmaakt hett. Man nu is d´r wat passeert, dat hebben beid beleevt un hebben mi dat vertellt.
Sied Weken hüppket dör hör Tuun een frömden Huusknien. Keen een deit dat missen un keen een weet, wor dat wech kummt. Christin is d´r naar van andaan, so een moje Deer! Man Rudi will dat lever dor nicht hebben. He weet nich, of dat Deer nich een Sükde in sien Knienhucken brengen deit. Dorum passt he up, dat de Dören nich open blieven.
Beid ofluurn, wo dat Deer in hör Tuun tokehr geiht. Intüsken hett he sük in de Hohnerhuck inricht. De Hahn troot sük nich rin in de Huck, wenn dat Knien dor in sitten deit un stürt sien Henntjes toeerst rin, bevör dat he achteran stolzeert.

Dat Knien hett al lang murken, dat sien Kulantjes in de Schür sitten dont un will na hör to. He huukt sük vör de Schürdör un ofluurt, dat he rin kann.
Good und woll – nä, nich good – leep is ´t, schafft he dat un flutscht Rudi tüsken de Been dör in de Schür. Rudi nu mit Kescher un Gebrull achter hum an un fangt hum ok.
Christin is bang um dat lüttje Leven, packt hum in een Kist un rin in ´t Auto. „Ik breng hum in ´t Museum“, seggt se an hör Mann. Dat Moormuseum is een paar Kilometers wied wech. Dor weet se een Butz, dor unner liggt Stroh. Dor sall sük de lüttje Langohr dat woll good gahn laten könen. To foorn gifft genoog. Heel ruhig sitt dat Deer in sien Kist. Christin straakt hum noch ´n mal un fahrt weer na Huus.
Ruh is. Keen frömden Knien suust mehr dör hör Tuun. Dagen sünd vergahn. Ik hebb een Naricht van Christin up Handy: "Wat meenst", schrifft se, "well weer hier is? Dat Knien is d´r weer. Wo blot hett dat na een Week un van so wied wech weer herfunnen?"
Dat weet ik ok nich.
Man dor segg noch een, so een Knien hett keen IKuu!

ÖVERSETTEN / ÜBERSETZUNG
KANINCHEN MIT INTELLIGENZQUOTIENTEN
Meine Freunde Rudi und Christin haben jeder ihre Liebhaberei. Christin schreibt Erzählungen und Rudi züchtet Kaninchen. Wenn es sich ergibt, schreibt sie was über die Tiere, was Rudi ihr vordem erzählt hat. Oder was sie selber mitgemacht hat. Aber jetzt ist was passiert, das haben beide erlebt und haben mir das erzählt.
Seit Wochen hüpft durch ihren Garten ein fremdes Hauskaninchen. Keiner vermisst es und keiner weiß, woher das kommt. Christin ist sehr angetan von dem schönen Tier! Aber Rudi will das lieber nicht dahaben. Er weiß nicht, ob das Tier nicht eine Krankheit in seine Kaninchenställe bringt. Darum passt er auf, dass die Türen nicht aufbleiben.
Beide beobachten, wie das Tier in ihrem Garten herumhüpft. Inzwischen hat es sich im Hühnerstall eingerichtet. Der Hahn traut sich nicht rein in den Stall und treibt seine Hennen zuerst hinein, bevor er hinterher stolziert.

Das Kaninchen hat längst festgestellt, dass seine Kollegen in der Scheune sind und will dahin. Es hockt sich vor die Scheunentür und beobachtet, wie es rein kann. Gut und wohl – nein, nicht gut – schlimm ist das, schafft es das und flutscht Rudi zwischen den Beinen durch in die Scheune. Rudi jetzt mit Kescher und Gebrüll hinterher und fängt es auch.

Christin bangt um das kleine Leben, packt es in eine Kiste und rein ins Auto. „Ich bring´s ins Museum“, sagt sie zu ihrem Mann. Das Moormuseum ist ein paar Kilometer entfernt und dort weiß sie ein Butzenbett, darunter liegt Stroh. Dort soll es sich das kleine Langohr wohl gut gehen lassen können. Zu futtern gibt’s genug. Ganz ruhig sitzt das Tier in der Kiste. Christin streichelt es noch einmal und fährt wieder nach Hause.
Es ist Ruhe. Kein fremdes Kaninchen saust mehr durch den Garten. Tage sind vergangen. Ich habe eine Nachricht von Christin auf dem Handy. „Was meinst du“, schreibt sie, „wer hier ist? Das Kaninchen ist wieder da. Wie hat das bloß nach einer Woche und der Entfernung wieder hergefunden?“
Das weiß ich auch nicht.
Aber da sage noch einer, so ein Kaninchen hat keinen IQ!