Köster Suhr hett keene Papiern

Humor in de Nohkriegstied, veel to lachen geev dat ook nich, dat weer eene gräsige Tied. Un nüms hett dorvun wat lehrt!
Köster Suhr hett keene Papiern.
vertellt vun Friedrich Schnoor-Lau`nborg
****************************************************************
„Guten Tag, Herr Petrus! seggt oll Köster Suhr un will
in`n Himmerl rin. „Scheun`n Dank ok!“ seggt Petrus, „ober
wer büst Du denn?“—„Wokein ick bün? Na, ick bün doch
Köster Suhr aus Gallin,“ un dormit will he wider.
„Holt stopp!“ röppt Petrus, dat kann jeder seggen, ober
wo steiht dat mit Diene Papiern?“—„Na jo,
Du mußt doch`n Utwies hebben, sünst weet ick jo gornich
ob dat stimmt. Du kanns mi veel vertelln.“ „Och, Herr
Petrus, nu machen Sie man keine Sperenzen, ich sag die reine
Wohrheit. Wollen Sie es mich nich zu gleuben, daß ich das
bün, denn ropen Sie mich doch mal Fritz Reuter ran, der
doch auch hier baben bei Sie in`n Heben is, der kennt
mir genau un hat mir auch in seine Beuker gebracht.“
„Geiht mi all nicks an,“ seggt Petrus, „Papiern mutt
ick hebben!—Vör alln Geburtsschien, Deupschien un
Impfschien. Denn`n Militärpaß, Stürzeddel un Troschien.
Un wenn Du Auto fohrt hest, ok`n Führerschien. Denn
`n Invalidenkort, Krankenkassenbook, Personalutwies,
Interzonenpaß, Kontenschien, Mieterquittung un Dien
Lebensmittelkorten, un to goder Letzt den Dodenschien.
Gebortsschien, Döpschien, Impfschien Lebensmittelkorten
un Dodenschien sünd de Hauptsook. Woans sall denn unsereen
weeten, dat Du geborn un döfst büst! Un denks Du, wi wölt uns
de Pocken hier rinsleepen loten un denn wult Du Di hier boben
ohn` Lebensmittelkorten dorchfreten? Un Minsch—ohn
Dodenschien weet ick jo gornich, dat Du öberhaupt
dot büst! Ne, ohn Papiern kumms Du hier nich rin!“
„Aber, Du lieber Gott in`n Heben!“ seggt nu oll Köster
Suhr, un de Kneen wörn em so bebern, „uns Herr
Paster hat mir doch seker seggt dat ick hier rinnerkeem,
un dor sünd doch auch week rinnergangen, die auch
keine Papiern harrn.“ „Jo, dat weern ober ok keene
Dütschen!—De Dütsche mutt öberall sien Papiern
bi sick hebben, dat is nu mol nich anners! Klapp!
wör em dat lütt Finster vör de Nees toslogen un
oll Köster Suhr stünn buten.
Lauenburg/Elbe
© Friedrich Schnoor, 1947
www.buecher.de/ ... /cXVlcnk9RnJpZWRyaWNoK1NjaG5vb3...

Eig. Bild von Lauenburg das rechte Haus is "de lütte Kot" Hamburger Str 58
************************************************
Mien lütte Kot
Mien Hüsing is man`n lütte Kot,
Süht ut so recht verfolln.
Ganz windscheew steiht se an de Strot,
As kunn se kuum sick holln.
Poorhunnert Johr is se woll olt
Uns`lütte scheewe Kot.
Un is in`nWinter se ok kolt,
Wi bargt uns woll to Not.
Woll Mennigeen geiht d`ran vörbi,
Un süht dat Huus so stohn,
Un seggt „Is doch een Glück vör di,
Dat du dor nich sast woh`n.“
Jo, jo, de Lüüd,de hebbt woll recht,
Wenn se so snacken doht,
usw.
in de e-Beuker find man dat ook, un noch veel mehr!
Un kost weniger as eene Schachtel Glimmstengels