WOORDEN VERDREIHT

Se harrn
mien Wark bi d’ Kopp.

De dat vörlesen dee,
harr nich begrepen,
WAT he
dor lesen dee.

Denn fungen se an
un plückden
mien Wark ut ’n anner.

Woorden verdreiht
harrn
de Sinn verlorn.
Un se säen,
dat de Dichter
DAT meent harr
un DIT
dormit seggen wull.

Man nix
van all dat
stimm
un mi stunnen
de Haar to Barg
van all de
verdreihte Woorden.

©Elke Bontjer-Dobertin

Übersetzung
WORTE VERDREHT
Sie hatten
meine Arbeit beim Wickel.
Der das vorlas,
hatte nicht begriffen,
WAS er
da las.
Dann fingen sie an
und pflückten
meine Arbeit auseinander.
Worte, verdreht,
hatten den Sinn verloren.
Und sie sagten,
dass der Dichter
DAS gemeint hatte
und DIES
damit sagen wollte.
Aber nichts
von alledem
stimmte
und mir standen
die Haare zu berge
von all den
verdrehten Worten...

ebd