BI NACHT

Swarte Nacht steiht vör de Ruten,
kummt van buten
her keen Luut.

As 'n groot, witt uppuust Ball
schient d'r tomaal
de oll Maan.

Seeg hum hoog an Himmel sweven;
Warkdagsleven
is nu ut.

Muuskes fangen an to huschen
unner Buschen.
Hör di 't an!

Un wor ik blot noch düster seeg,
bi de Tuunheeg,
krispelt dat.

Een flinke Scharr hüppt över 't Sloot –
up sachte Poot
kummt uns Katt.

 ©elbondo

Übersetzung im Tagebuch