Dat eerst Mal

Harr ik ahnt, wat mi bleihen dee: Was ik denn komen, as du mi dat eerst Mal inladen deest? Weetst du överhoopt, wat du anricht´t hest?

Ik sull mi dat Water-Spektakel bekieken, hest du seggt. Wi wullen mit een Damper mitfahren un uns dat Gedoo up 't Water bekieken.

Wat 'n Beleevnis! Alltied hebb ik noch dat Bild vör mien Ogen: De Buggt vull mit Schippen in all Grötten un Klören. Bliede Minsken, wor 'n henkieken dee. Wi stunnen tegen 'n anner an de Reling – bi de Nummer Darteihn.
Weetst noch? Du hest mi vertellt, wat dat för Schippen wassen, de wi bemöten deen.
Un mit de Wind, de vull in de Seiels seet un de Schippen över 't Water dreev, is mien Seel di toflogen. Later, bi dat Fürwark – sowat harr ik bit do noch sinoit nich to sehn kregen – stunnen wi nahde bi 'n anner. Un de Fürwarksfunken hebben Locken in mien Hart brannt.

Wat siet Jahren unner Aske begraven weer, hett de Störm in mien Binnerste upflackern laten. Dien nah-bi-mi-wesen hett de Glut nich löschen kunnt. Nu hebb ik mit de Brand to kämpfen. – Bit dat ik weer bi di komen doo.
Inladen harrst du mi ja al...

Übersetzung:
DAS EERSTE MAL
Hätte ich geahnt, was mir blühen würde: Wäre ich dann gekommen, als du mich das erste Mal eingeladen hast? Weißt du überhaupt, was du angerichtet hast?
Ich sollte mir das Wasser-Spektakel besehen, hast du gesagt. Wir wollten mit einem Dampfer mitfahren und uns das Treiben auf dem Wasser besehen.
Was für ein Erlebnis! Immer noch habe ich das Bild vor meinen Augen: Die Bucht voller Schiffe in allen Größen und Farben. Fröhliche Menschen wohin man sah. Wir standen nebeneinander an der Reling - bei der Nummer Dreizehn. Weißt noch? Du hast mir erzählt, was das für Schiffe waren, denen wir begegneten.
Und mit dem Wind, der voll in den Segeln saß und die Schiffe übers Wasser trieb, ist meine Seele dir zugeflogen. Später, beim Feuerwerk - sowas hatte ich bis dahin noch nie zu sehen bekommen - standen wir nahe beieinander. Und die Feuerwerksfunken haben Löcher in mein Herz gebrannt.
Was seit Jahren unter Asche begraben war, hat der Sturm in meinem Innersten aufflackern lassen. Dein nahe-bei-mir-sein hat die Glut nicht löschen können. Jetzt habe ich mit dem Brand zu kämpfen. Bis ich wieder zu dir komme.
Eingeladen hast du mich ja schon.

©Elke Bontjer-Dobertin