KOLL HANNEN ©elbondo

„Herjeeket“, sä ik an Netti, „wat hest Du ja koll Hannen!“ – „Dat mutt“, sä se, „ik bün nett an ofnehmen.“ Ik keek Taalke an. Taalke keek mi an un mit ´n anner un mit Verstand keken wi Netti an. Denn mussen wi över uns egen dumm Gesichten lachen.
Netti vertell uns denn, dat de Doktor in Kur an hör seggt harr, dat koll Hannen een Teken van dat good Funktioneeren van de Stoffwessel is. Wenn dat hele Lievwark dat Tovöl an Fett verbruken deit, worden de Hannen kold. Sä de Doktor. –
„Wat ´n Schiet aber ok“, meen Taalke, „denn kann ik ja lang up wachten, dat ik wat ofnehmen doo. Mien Hannen sünd alltied warm. Wo is dat bi Di?“, froog se mi.
Ik harr dor nett över nadocht. Also, mi ist dat noch nich upfallen, dat de Stoffwessel bi mi Fett verbruken deit, wenn ik koll Hannen hebb. Upstünns is mi meist wat warm. Kunn ja wesen, dör de Warmte fangt bi lüttjen dat Fett an to smelten. So as Botter an de Sünn. Dat weer di ´n Glück!
Of villicht doch nich? As ik een paar Weken in Krankenhuus weer, hebb ik nich völ to Kauen kregen. Ik weer haast up Null-Diät. As ik weer in Huus was, wies mi mien Waag, dat ik düchtig Kilos verloorn harr. Weer doch good west, dat ik wat bitosetten harr. Man lever weer mi west, dat Minniseern van Kilos weer mi ohn Krankenhuus un mit koll Hannen glückt!
Nu probeer ik dat bi ´t Lopen mit mien Stocken. In Wintertied un ohn Handsken sull mi dat Ofnehmen doch woll glücken. Kold noog sünd mien Hannen na de Keiergang denn ja. Man wo lang mutt ik woll up wachten, dat mi de Büxen andaal sacken doont?

Übersetzung:
KALTE HÄNDE
"Herjee", sagte ich zu Netti, "was hast Du ja kalte Hände!" - "Das muss", sagte sie, "ich bin am Abnehmen." Ich guckte Taalke an. Taalke guckte mich an und miteinander und mit Verstand guckten wir Netti an. Dann mussten wir über unsere eigenen dummen Gesichter lachen.
Netti erzählte uns dann, dass der Doktor in der Kur zu ihr gesagt hätte, dass kalte Hände ein Zeichen von gutem Funktionieren vom Stoffwechsel ist. Wenn der ganze Körper das Zuviel an Fett verbraucht, werden die Hände kalt. Sagte der Doktor. -
"Was fürn Mist aber auch", meinte Taalke, "dann kann ich ja lange darauf warten, dass ich was abnehme. Meine Hände sind immer warm. Wie ist das bei Dir?", fragte sie mich. Ich hatte gerade darüber nachgedacht. Also, mir ist das noch nicht aufgefallen, dass der Stoffwechsel bei mir Fett verbraucht, wenn ich kalte Hände habe. Momentan ist mir meistens warm. Kann ja sein, durch die Wärme fängt bei kleinem das Fett an zu schmelzen. So wie Butter in der Sonne. Das wär ein Glück!
Oder vielleicht doch nicht? Als ich ein paar Wochen im Krankenhaus war, bekam ich nicht viel zu essen, ich war fast auf Null-Diät. Zu Haus zeigte mir meine Waage, dass ich ordentlich Kilos verloren hatte. War doch gut, dass ich was zuzusetzen hatte. Aber lieber wäre mir gewesen, das Verschwinden von Kilos wäre mir ohne Krankenhaus und mit kalten Händen geglückt!

Jetzt probier ich das beim Laufen mit meinen Stöcken. Im Winter und ohne Handschuh soll mir das Abnehmen doch wohl gelingen. Kalt genug sind meine Hände nach dem Spaziergang dann ja.
Aber wie lange muss ich wohl darauf warten, dass mir die Hose runterrutscht??