MAI / MAI?

Dor is he nu. Un is ok al siet een Week bi uns. Dat he rinkieken lett, wo he wesen kann, hett he uns glieks an de eerste Dag in dit Wonnemaand wiest. Wat was dat moi Weer! De hele Dag hebb ik in buten west un hebb malt.
Un wat kweem denn? Henunweerdenn mal een bietje Sünn un anners nix as Grau in Grau un Natt van boven. Kold is dat ok noch dorbi. Stell ik mi, stellt Ji Jo, sooo de Mai vör? Also - ik nich.
Blifft nix anners, as de Sünn in mien Hart lüchten to laten. Hoop, dat Ji ok de Warmte in Jo föhlen dont.
Villicht sull ik dat nich vergeten: So een kollen un natten Mai is woll wat för uns Buurn. Dat Seggwoord beseggt, dat Schür un Fatten full worden. Wennehr aber dat Land unner Water steiht, denn könt de ok nix beschicken...
Un in Schür un Fatten kummt nix rin. Dat weer nich good!

elbondo