Mehlsuppe

D Ibrennede


S isch bi Gott chei guete Zit gsi 1938 bis 1946. Mi Mueder hät s due cha üs feif Schnäbbel gradso satt zgriege. I dere Zit isch Mangel a allem gsi un s isch mengis gruseliges Züg agrühret wore.

Letscht hani i Chonstanz z due cha u bi natürli au zu üsere Nochbore i d Schwiz duregange. I sellem Migros- Supermarkt hani aneme Ständli Gugge mit vrschiidene Suppe wahrgno. U wie i so umelueg, gsehni so ä Gugg mit enem Ufdrug:

Basler Mehlsuppe

Do ischmer noch numme no mehrer den 60 Johre die Choldampfzit im Grieg u denoch i gfalle. I ha plötzli mi Mueder vo mine Auge a sellem Chuchiherd hantiere gseh, wie sie, s hät halt nüt anders gäh, a bizzeli Mähl röschtet un ä Wasser dezu git. Do hän mehri Auge i selle Supp gluget, as i d Brüh gschwumme sin. Dodevo, hämm mir Chind scho am Morge satt sie muese un minere Mueder hät sicher s Herz bluedet.

D Erinnerig isch so stark über mi cho un wenn mi Wib it gsi wär hätti chlatt de ganzi Bstand vo dere Basler Mehlsuppe ufchaufed. Mi Frau isch vo Franke un do sind d Wibervölkcher bsunders gschiid.
Ma, lugemol uf die Verpakig. Do gits jo meh vo sellene „E’s“ wii gsund si cha un a Gschmaksverstärker hän sie auno dra grühret. Ä Rotwii isch au dinne gsie, aber as ä Trokepülverli. Do cha dr scho d Choldampf vrgoh
Sell hätt mer den doch zdänge gä un i han allwiil ä einzig Güggli mitgno.
Dhei hanni glich sell Pülverli agrühret un s hät gar it so schlächt gschmegget. Minere Mueder ihri Supp isch im Vorgliich sicher schwächer gsi, dödefür meh gsünder.
Mei Meidli, die Fränkin hät it ei Schnabbel vo dem Zügs glöffelt und gseit: So öbis chan eme Franke numme de Magge vrsaue.
Us dem Grund hani mir gseit:
Bire söttige Sach stöhn ächte Alemanne ganz allei do.

Abr di Sach mit sellere Ibrennede hät mr chei Ruh glo. Ime alde Chochbüchli hani no gschlagge un do isch etzet ä Rezept gsi ohni Pülverli un ugsuns Züg.

Alimannische Ibrennede

Du bruchsch:
Ä Zibeli chli gsäblet 90gr. Ankcheschmalz, chasch au ä Öl näh. 60gr. Mähl(405er).
1/8li Rotwii. 1Lit. Brüh vum Rindli odr Gmüsbrüh. Pfeffer un Salz.
Arühre:
S Schmalzig un s Mähl ime Haffe ohne uslo umerühre, bis sell Mähl liicht agschwizet isch. Numme Zibeli d zugäh un widerschs rühre, s Mähl mues ä bruni Farb anäh. Numme gisch d Rotwii dzu un dunksch debi dinne Nasse mol in des guete Düftli, was do us dem Haffe ufstiegt. Jetzte muesch alles sufer chlatt rühre un numme chunt die Brüh dra. Des ganzi Zügs ufkoche lo un abschmögge.

D Suppe schöpfisch i warmi Deller. Un isch grad Sunndig, chasch no gröschde Brotstückli drageh. Un odr chunt no ä Löffeli Sahne dra un ä griebene Bergchäs.
Do seid mr liicht ä Guete midenand.

Vo d Kathrin Ruegg us d Schwiz gits no ä bsunders Rezeptli
Du bruchsch:
5 EL Mähl. 3 EL Ankcheschmalz. Ei Zibeli i fini Ringli gschnitte. 1Lt. Brüh. 100gr. Wiibeerli. 100gr. Alpchäs( chei Emmidaler). Pfeffer un Salz.
Arühre:
Mähl ime Haffe dunkelbru röschde. D Ankch dezugeh un rühre. Zibelringli mit dezu adünschde. Brüh d zugeh un selle Wiibeerli. ½ Stündli köchle lo, d bi luege, das it nüt abrenned.

D Suppe in warmi Deller gäh un d Chäs dra mache.
Sell Rezeptli isch guet für solchi, die öbis bsunderes i d Magge wön.