MIDDEWEEK DE DARTEIHNSTE

Al smörgens weer mi so ardig tomode. Na de Anbiet mit Püll un Kater up ´t Sofa. Eerst hebb ik in mien anfangen Roman wiederleest, denn fullen mi de Ogen dicht. Hebb heel moi slapen. As ik weer bi kweem, schien de Sünn un up de Weid tegenan lepen acht of negen Rehen. Jau, doch ik, rut mit di. - Wat ´n asigen Wind ut West! Man ik bün so lopen, dat he mi schuven kunn un sach in Oost de düster Wulkenwand. Harr sinoit nich mit rekend, dat de tegen de Westwind an kunn un murk dat denn, as de eerste Regendrüppen fullen. Naja, bün ja nich ut Zucker un wull wiederlopen. Man denn fung dat an to pladdern un dormit nich genoog. Nä, de Regendrüppen weern lüttje Ieskörrels un de hebben mien Gesicht masseert, wieldat ik nu doch levers up Umtuur weer.
Mien Mantel drüppt in Badstuuv, de Büx hangt över de Heizung. Harr mi nett umtrucken, dor pulter in buten wat. De Dör na de Terrass weer nich inrast un sloog tegen Mür. Ik in Drafft hen un hum fastsetten, weer man een Doon. Harr mi doch wat övertrecken sullt. Dat Noodweer was noch nich vörbi west. Muss ik mi noch ´n mal umtrecken. Nu langt dat ok.
Wat ist dat denn vandag vör ´n Dag! Sowat van verdreiht!
Wat Wunner: Middeweek de DARTEIHNSTE Januar is ´t!

ÜBERSETZUNG
Schon morgens war mir so seltsam zumute. Nach dem Frühstück mit Wärmflasche und Kater aufs Sofa. Erst habe ich meinen angefangenen Roman weiter gelesen, dann fielen mir die Augen zu. Hab sehr schön geschlafen. Als ich wieder zu mir kam, schien die Sonne und auf der Weide nebenan liefen acht oder neun Rehe. Ja, dachte ich, raus mit dir.
Was ein fieser Wind aus West! Abe ich bin so gelaufen, dass der mich schieben konnte und sah im Osten die düstere Wolkenwand. Hatte niemals damit gerechnet, dass die gegen den Westwind an konnte und merkte das denn, als die ersten Regentropfen fielen. Naja, bin ja nicht aus Zucker und wollte weiterlaufen. Aber dann fing das an zu pladdern und damit nicht genug. Nein, die Regentropfen waren kleine Eiskörner und die haben mein Gesicht massiert, weil ich nun doch lieber auf dem Rückweg war.
Mein Mantel tropft im Badezimmer, die Hose hängt über der Heizung. Hatte mich gerade umgezogen, da polterte draußen etwas. Die Tür zur Terrasse war nicht eingerastet und schlug gegen die Mauer. Ich im Galopp hin und sie festsetzen, war eins. Hätte mir doch was überziehen sollen. Das Notwetter war noch nicht vorbei. Musste ich mich noch einmal umziehen. Nu langt das auch.
Was ist das denn heute für ein Tag! Sowas von verdreht!
Was Wunder: Mittwoch, der dreizehnte Januar ist es!

(c)elbondo